產品編號：O-039
產品物料：絲瓜
產品尺寸：約 200MM x 80MM (天然產品尺寸會略有不同)
產品重量：～10克
 
Q & A
---------------------------------------
 
Q1:  絲瓜絡是咩野黎?
 
絲瓜絡又叫做絲瓜筋、菜瓜布、水瓜囊等等
佢係絲瓜乾燥成熟果實的維管束
係一種天然植物纖維
絲瓜絡呈天然黃白色
它有著蜂窩狀的纖維結構
乾燥時表面粗糙
遇水後會發脹
變得柔軟有彈性
 
Q2: 絲瓜絡有咩用?
 
絲瓜絡嘅用途廣泛
可以話係想清潔乜野
就可以用黎清潔乜野
 
最為常見嘅就係用黎洗擦廚具
能達到去油去污
 
如果選用質地較輕柔嘅絲瓜絡
可以用黎清潔肌膚以去除角質
 
絲瓜絡亦可以用作洗擦蔬果
清洗走表面嘅蠟質
 
Q3: 絲瓜絡點樣形成?
 
我地平時種植絲瓜成熟之後
唔好即刻摘落黎
絲瓜就會持續長大老化
當絲瓜係棚架上長至咖啡色後採收
其中瓜肉的部分亦會老化
絲瓜內的纖維膨脹後
就會形成絲瓜絡啦
 
Q4: 點樣將老絲瓜製作成可使用嘅絲瓜絡?
 
將變左啡黃色嘅老絲瓜摘來黎
之後可以用硬物
例如木棍、刀背敲碎瓜皮
咁就可以用手將輕瓜皮輕易剝落
中間露出黎嘅就係絲瓜絡啦
 
將瓜絡浸泡係水入面揉搓
清洗走裹面嘅汁液同瓜籽
最後將佢掛係通風嘅地方曬乾就完成啦
 
你仲可以將絲瓜絡剪成不同大細
並掛上配繩
方便掛係廚房同浴室度用
 
Q5: 用絲瓜絡清潔時需要加入洗潔精嗎?
 
好多人都會擔心用絲瓜絡洗野
會唔會唔夠乾淨架
 
其實用絲瓜洗碗
就算唔落洗潔精都可以去到油污
 
因為絲瓜絡具有天然抗油性，
洗完碗之後佢都唔會
好似平時嘅洗碗布咁油淋淋
 
如果要去除一D較為頑固嘅油漬
可以用絲瓜絡沾一D茶籽粉再洗擦廚具
去油污嘅效果就更加勁啦
 
Q6: 絲瓜絡達到抗菌去油的原理是什麼?
 
絲瓜絡可以話係油污嘅天敵
佢咁勁係因為
 
絲瓜絡纖維素含量接近50%
其他成分主要為果膠、半纖維素同木質素
纖維表面蠟質含量高達9.73%
具有天然的親水親油性
 
同時佢嘅纖維有獨特的天然網絡結構
可以提高其佢嘅吸附性
絲與絲之間有好多小孔
形成毛細現象吸油
 
係清洗過程中
絲瓜絡會將油脂從廚具表面刮走
當用水沖洗時直接將小孔中嘅油沖出
從而達到去油效果
完全無任何化學物參與
安全放心
 
Q7: 用絲瓜絡清潔會刮花平底鑊的易潔塗層嗎?
 
大家平時洗易潔鑊嘅時候
都會擔心會刮花個底
用絲瓜絡清潔就唔洗擔心啦
 
絲瓜絡雖然摸上手好粗糙
但係浸過水之後就會變軟
所以唔洗擔心會刮花碗盤
 
可以揀D質地較輕柔嘅絲瓜絡
用黎洗易潔鑊就最岩啦
 
Q8: 點解用絲瓜絡洗碗比海綿更環保?
 
同大家講左咁多絲瓜絡好洗又好用
最重要都係比用海錦洗野更加環保
 
平時洗碗用的海棉
大多以塑膠材料製作
隨住使用都會有塑膠微粒脫落
經過污水渠流入大海污染海洋
仲會比其他海洋生物吸收
 
而絲瓜絡係純天然植物纖維
可以係大自然之中自然分解
沒有污染的問題
支持環保 用絲瓜絡洗野
大家仲唔快D換左屋企嘅塑膠海錦
 
Q9: 絲瓜絡能吃嗎?若果唔小心誤食點算?
 
大家有無試過食飯個時
會食到百潔布嘅毛
甚至係鋼絲刷掉落黎嘅鋼絲
吞左落肚就大鑊啦
 
用絲瓜絡洗碗擦鍋就唔洗擔心啦
佢係純天然有機纖維
即使誤食亦可以比我地嘅腸胃消化
 
其實絲瓜絡本身係中醫界
有好高嘅中藥價值 可以用黎煲湯
亦可以用黎比寵物做磨牙玩具
 
所以絲瓜絡絕對天然無害
比其他清潔用品安全得多
 
Q10: 用絲瓜絡洗澡的有咩野好處?
 
依家夏天熱辣辣
番到屋企用絲瓜絡沖涼
洗走哂D汗味同老泥就最岩啦
 
絲瓜絡含有木聚糖、甘露聚糖等中藥成分
具有通經活絡解毒消腫的功效
長期使用可以疏通毛孔防止堵塞
令皮膚變得更加細膩光滑
 
仲有絲瓜絡較為粗糙嘅表面
可以方便咁磨走皮膚表面嘅死皮
用黎去角質磨腳皮
真係非常之好用
 
Q11:點樣用絲瓜絡洗澡?
 
我諗大家第一次買個絲瓜絡番屋企
都會覺得佢敢咁硬弸弸
唔知點樣用黎沖涼
 
第一次使用絲瓜絡時
要先用水浸泡20分鐘
令佢嘅纖維稍為軟化
先至用絲瓜絡黎搓澡磨皮
 
使用後要將絲瓜絡掛在通風處晾乾
保持潔淨避免發霉
 
Q12:可以用絲瓜絡清潔面部皮膚嗎?
 
絲瓜絡除左可以用黎搓澡磨皮
其實仲可以用黎洗面去角質
 
純天然絲瓜絡沒有任何化學物
可以減少造成皮膚敏感的機會
 
建議選用小絲瓜絡
質地較為輕柔
唔會傷害到柔嫩嘅面部肌膚
 
每星期使用1-2次為臉部去除角質
長期的使用
你會發現皮膚越來越光亮
 
Q13: 有咩情況下是不適宜使用絲瓜絡搓澡?
 
沖涼用完嘅絲瓜絡
如果無立即晾乾
長期放係浴室嘅潮濕環境下
會容易滋生細菌
 
如果身體上面有傷口
拎住有細菌嘅絲瓜絡擦洗到傷口
可能會導致傷口感染
 
Q14: 點樣保養及清潔買番黎嘅絲瓜絡?
 
每次使用完絲瓜絡後
要將佢完全晾乾
如果掛係浴室裡面
請將門窗打開通風
最好拎到戶外曬乾
 
如果唔放心
想要為絲瓜絡消毒清潔
可將絲瓜絡浸在5%的漂白水中殺菌
另外亦可微波絲瓜絡20秒
達到殺菌效果
 
Q15: 點樣知道屋企舊絲瓜絡壞左要換新?
 
絲瓜絡如果使用後無好好沖洗曬乾
並長期處於潮濕陰暗嘅環境時
是會造成發霉的情況
 
所以絲瓜絡出現變色或聞起黎有異味
就需要換新啦
 
Q16: 絲瓜絡有使用有限日期嗎?
 
絲瓜絡曬乾之後
將佢放入紙箱保存備用就得
 
絲瓜絡唔會生蟲
一般亦唔會發霉
放十年唔會有問題
 
如果係用緊嘅絲瓜絡
建議4-6個星期就要換新
避免絲瓜絡在長期潮濕的情況下
積聚細菌發霉
 
Q17: 如何處理用完嘅絲瓜絡?
 
天然絲瓜絡是可生物降解
它能被土壤微生物完全分解
用完後將佢丟入垃圾桶
都唔會造成環境垃圾
 
若果屋企有種植盆栽
可以將絲瓜絡用作堆肥
咁就更加環保唔浪費
 
Q18: 絲瓜絡除左清潔外仲有咩用?
 
絲瓜絡除左係天然嘅海綿
其實本身仲有好多用處
 
佢可以作為中醫藥食材
有通經活絡的療效
 
佢天然無害
可以造為寵物的磨牙玩具
 
佢嘅網狀結構令其透氣度高
可以縫製成枕頭同鞋墊
 
佢是很好嘅氮肥
可以將絲瓜絡剪成細塊
放入盆栽中改善土壤
 
Q19: 點解有些絲瓜絡顏色唔一樣?
 
天然絲瓜絡沒有經過任何加工漂白是米黃色的
平時在市面上見到深淺不一的絲瓜絡
通常是因為曝曬方式不同
 
若果在老絲瓜岩岩轉枯黃時
採收剝皮曬乾
就成為顏色較白的絲瓜絡
 
若果把老絲瓜直接曝曬
內部果肉將和空氣逐漸氧化
最後成為顏色較深的絲瓜絡
 
不同顏色嘅絲瓜絡是唔會影響其功效
 
Q20: 點樣揀岩嘅絲瓜絡?
 
買絲瓜絡時要注意佢嘅顏色
純白色嘅絲瓜絡通常經過加工漂染
 
天然的絲瓜絡應該是米黃色
無霉無異味
 
另外亦可跟據唔同嘅使用方法
挑選唔同大小及纖維柔軟度嘅絲瓜絡